الأحد 10 مايو 2020 | مرخصة من وزارة الإعلام هنا رابط حجز موعد المقابلة الشخصية للمرشحات بتعليم الليث المواطن - أحمد العُمري - الليث دعت إدارة التعليم بمحافظة الليث المعلمات المرشحات للتدريس بها، إلى مراجعتها خلال الأسبوع الجاري، لإجراء المقابلات الشخصية واستكمال باقي إجراءات الترشيح. وأوضح المتحدث الرسمي بتعليم الليث محمد بن ختيم المالكي، أنه يتوجب على المرشحات تسجيل مواعيد إجراء المقابلات، على الموقع الإلكتروني لتسجيل المقابلات ( هنا)، مبينًا أن إدارة التعليم ممثلة في قسم شؤون المعلمين، قد حددت يومي الثلاثاء والأربعاء ١٣-١٤/ ٥/ ١٤٣٩هـ، موعدًا لإجراء المقابلات، وذلك في تمام الساعة العاشرة صباحًا، بمقر الشؤون التعليمية (بنات) رقم (٢) مقابل مكتب البريد السعودي. وشدد المالكي على ضرورة إحضار المرشحات عددًا من المسوغات والمستندات والوثائق المطلوبة أثناء المراجعة وهي: ملفان علاقيان أخضران، و (٣) صور من الهوية الوطنية مع إحضار الأصل للمطابقة، و(٣) صور من وثيقة التخرج مع إحضار الأصل للمطابقة، بالإضافة إلى إحضار إخلاء طرف أو قرار فصل أو إنهاء خدمة لمن سبق لهن العمل في القطاع الحكومي أو الخاص. تابع جديد أخبار فيروس كورونا covid19 تعافي 1024 حالة من كورونا.. هنا توزيع الإصابات الجديدة
ارامكو vs الاستخبارات العامة/الحرس الملكي | stKFUPM | منتديات طلاب جامعة الملك فهد للبترول والمعادن الصفحة 1 من 2 1 2 التالي > انضم: 14 مارس 2016 المشاركات: 7 التقييمات: +2 / 0 -0 أسعد الله مساءكم بكل خير أبدأ موضوعي بمقولة " ما ندم من استشار" محدثكم مهندس بأرامكو وليه معاهم قرابة ال 6 شهور وما اخفيكم ماني مرتاح في العمل وجالس ادور فرص وظيفية اخرى. احد الزملاء اشار عليه اني اقدم على وزارة الدفاع لان الاستخبارات العامة و الحرس الملكي( اللي هي التوب في العسكرية) ياخذون كل سنة عدد معين من المتقدمين. يقول لي راح تاحصل على مميزات منها برستيج وهيبة، واحترام و دوام مريح وعمل مكتبي وراتب حول ال 17 الف وسيارة ودوام من حكومي من ٧:٣٠ الى ٢:٣٠ واهم ميزة ان تعييني راح يكون عند الاهل في الرياض. انا محتار جدا يا اخوان ولا اعلم هل الاستخبارات العامة او الحرس الملكي تستحق اني اضحي بحياتي المدنية وبشهادة الهندسة؟ شوركم يا اخوان... 17 مايو 2010 56 التخصص: Management الجامعة: KFUPM سنة التخرج: 2018 الوظيفة: Student الإقامة: Dammam, Saudi Arabia +55 -2 سؤال / أنت ضامن لو تدخل العسكرية إنهم بيحطونك استخبارات ولا حرس ملكي ؟ هل كل طموحك بالحياة وظيفة مكتبية ؟ هل تظن إنك راح تتوظف بالرياض لو دخلت عسكرية ؟ مب شرط وين ما يعينونك تروح دخلت العسكرية واكتشفت إن هذا المجال مو مجالك هل تقدر تغيره ؟ لأ طبعًا لكن لو لك ميول عسكرية الله يوفقك وهناك راح يكون مكانك المثالي 13 يناير 2016 33 Mechanical Engineer 2015 +65 الاستخبارات و الا الحرس الملكي لو تضمن تخش لها هذي نقله نوعيه جميله.
علاقات واسعه ( و الدنيا ماشيه بالعلاقات) راتب ممتاز جدا بالاضافه الى الدورات التدريبيه القويه جدا تقدمها ذا القطاعين. و قبل كل شي استخير و الله يوفقك.. بنسبة كبيرة ان شاء الله راح اكون في احد القطاعين هذي. كل سنة ياخذون عدد من المهندسين التعيين بنسبة 95ظھ في الرياض والله لم تكن ضمن خياراتي ولم تكن طموحي لكن طبيعة عمل ارامكو وساعات عملها الطويل والتعيين في مناطق لا ارغب بالعيش فيها حعلني افكر بالالتحاق باحد هذين القطاعين يعني تشوف انها افضل من ارامكو والشركات بشكل عام؟ من ناحية الدورات معظمها عسكرية مالها علاقة بالتخصص. لكن فيها مميزات مغرية وتجعل الشخص في حيرة 26 يوليو 2010 815 ISE 2010 that's for u to answer Somewhere far along this road +149 -24 Ahmed Alhntoshi مشرف سابق 18 يناير 2010 2, 477 Electrical Engineer مهندس قلـ،ـب غالـي +664 -31 لاحظ ياعزيزي ان كل المعلومات عن الوظيفة الثانية هي نقلا عن زميلك. لم يتواصلوا معك بعيد التقديم ولم يرسلوا العرض قبيل العقد. 19 ابريل 2012 694 Civil Engineer June- 2017 الجنس: ذكر Dhahran +406 9 -38 أخوي متأكد من معلوماتك؟ الاستخبارات العامة جهة مستقلة لا تتبع لوزارة الدفاع ونفس الشي الحرس الملكي, برامج الجامعيين اللي اعرفها في لوزارة الدفاع وفي كلية الملك فهد الأمنيه وكلها غالبا بالرياض, على ما قرأت سابقا ان بوزارة الدفاع بتشتغل بتخصصك الدقيق أما كلية الملك فهد فطبيعة عملك ممكن تختلف عن تخصصك الدقيق.
أي استفسار انا حاضر وان شاء الله لو في شباب هنا مهندسين عسكر يفيدونا أكثر. 7 فبراير 2012 576 Electrical Engineering 2017 +396 6 -52 لا تأمل بالاستخبارات كثير اللي ياخذون عدد قليل وكثير منهم بالواسطه طبعا مافيه تقديم لهم هم يجون لكلية الملك فهد الامنية والكلية الحربيه وكلية الملك خالد العسكريه ويختارون عدد معين + التنقلات شبه اكيده لك ك ضابط لا مفر منها في اختيارك لاتنسى الراتب التقاعدي ومكافئة التقاعد بالمناسبة الراتب راح يكون حول ال15 الف من "غير الخصم " 14 مع الخصم البدلات 35% بدل للاستخبارات 25% بدل ارهاب 15% بدل تخصص علمي هندسه وغيره " تكون 10% اذا كان التخصص نظري " والاساسي 8830 للملازم اول وعليك الحسبه طبعا الاستخبارات العامه هو اعلى قطاع يعطي بدلات لأن الاساسي كلهم سوى متوسط الزيادة السنوية طوال سنوات الخدمه هو 500 ريال البدلات جبتها من اثنين من اخواني ظباط نصيحة لا تجعل اختيارك منصب تماما على الاستخبارات وكأنها في قبضة يدك ابني اختيارك ك ضابط وراجع الاحتمالات كلها الحسبه الماديه سهله لكن الباقي عليك الان x 2 إعجاب في نظري أفضل بكثير.. حتى بعد التقاعد راح تمتلك قائمه بالمعارف كبيره جدااا تقدر من خلالها تسوي مشروع او تلتحق باعلى الوظائف.. ولكن السؤال المهم و الاهم هل أنت ضامن تخشها.. و عطنى طال عمرك كيف قدمت عليها و شكرا.
المكان الرياض, الخبر, الطائف. مع العلم هناك ايضا سلم مدني في الرئاسة و عددهم جدا كبير و فوق الوصف. بالنسبة لي انا صرفت النظر عنها. 26 سبتمبر 2010 548 الهندسة الميكانيكية جامعة الملك فهد للبترول والمعادن +196 17 هل دورة الإستخبارات تكون مع دورة الضباط الجامعيين ولا تكون لحالها ومتى تكون الدورة الجاية ؟ أحد يعرف متى تكون دورة تأهيل الضباط الجامعيين والمتميزين, لاني لحثت بانت لقيت أخر أعلان لهذي الدورة كان قبل سنتين كانت الدورة السابعه؟ طيب طالما والدك الله يحفظه لك شغال فيها تشوف انها خيار ممتاز، او تنصحني بصرف النظر عنها؟ على كلام زميلي انك تاخذ الدورة في الكلية في الرياض مع المقبولين في وزارة الدفاع لكن انت قبل لا تدخل الدورة راح تعرف اذا اختارتك الاستخبارات او تم قبولك للعمل في وزارة الدفاع. ترجع على الشخص. هل تحب العسكرية او لا 16 يوليو 2008 221 +14 السلام عليكم ورحمة الله وبركاته حبيت اشاركك الرأي لأَنِّي اولا من طلاب الجامعه وثانيا لأَنِّي التحقت بسلك العسكري وثالثا لأَنِّي كنت موظف بارامكو قبل الانضمام لوزارة الدفاع. ارجع لمواضيعي ستجد مايفيدك انشاءالله شوف حبيبي مهندس احمد لايوجد شي كامل ابدا.. كل وظيفة وكل مجال تجد سلبياته وايجابياته.. ( ولقد خلقنا الانسان في كبد) اذا بتروح العسكرية.. وكثير هم خريجين الجامعه مهندسين التحقوا بالسلك العسكري.. بل قابلت من هم حاصلين على مراتب الشرف.. والتحقوا بالسلك العسكري.. بالنسبة للعسكرية اذا بتروح لها وتحب تخدم بتخصصك وتطلع ماجستير بتخصصك مالك الا وزارة الدفاع.
وبخصوص راتب ال17 ألف صعب لأنه مع البدلات وكل قطاع او لواء له بدلات مختلفة ( بدل ارهاب, حاسب, مباحث.. الخ) وأنت كمهندس ترى نفس الضابط لكن الفرق لك بدل حول 30% من الأساسي للضباط ويعطونك أقدمية سنه أو سنتين وقد قرأت انك مباشرة تعلق ملازم أول. أخوي ما أعرف تخصصك الهندسي بالضبط لكن العسكرية غالبا بتنسى تخصصك وبيندفن وفيها ذل أحيانا محد يقبله على نفسه, أنصحك لو تخصصك كويس ويمديك تتطور بمجالك أفضل من العسكرية وترى الترقيات العسكريه متعبه جدا والزيادات ما تسوى, بعد 20 سنه زملائك بأرامكو طبيعي أقل شي يكونون ضعفين راتبك واذا انك بتتقاعد بعد خدمة 30-35 سنه ممكن تجيك مكافأة نهاية خدمه 450-500 ألف ريال فقط وشف موظفين الشركات كم يجيهم, ادرسها من جميع النواحي واذا مب مرتاح بأرامكو غير ادارتك أو رح شركة تطورك بمجالك. x 1 إعجاب وأزيدك من الشعر بيت، اذا انك تهوى السفر فانسى بعد العسكريه، جوازك بيكون بدرج المدير ولو انك بالشرقيه حتى البحرين ما يمديك الا اذا وصلت عقيد وفوق ولازم تعلمهم. ونسيت اذكرك ان ممكن بداية تعيينك بالرياض لكن بعدها الوضع متغير عشان كذا سألتك عن تخصصك لان من منصب لمنصب يختلف، الوالد الله يحفظه ضابط بالحرس الوطني واشتغل بالرياض-الدمام-العراق(حرب الخليج)-الطايف-جده-الرياض- والان مستقرين بالدمام الحمدلله وسبق قد ودوه امريكا سنة وفي بعض زملاه ارسلوهم الجنوب مع الحرب والبحرين وقت درع الجزيرة وكثير من اقاربي ضباط وهذا حالهم بالتنقلات، حتى لو كنت لواء ينقلونك من فترة لفترة فلا تخلي مسألة الاستقرار السبب الوحيد اللي يحدك عالعسكريه وكل ما تغير منصبك ففي احتمال كبير ينزل راتبك لو راح عنك بدل كان مخصص لمنصبك السابق.